Maa Siddhidatri Aarti

Jai Sidhi Dhatri tu Sidhi ki data,
Tu bhakto ki rakshak tu daso ki maata !!

Tera naam lete he milati hai Sidhi,
Tere naam se man ki hoti hai shudhi !!
Kathin kaam sidh karati ho tum,
Jabhi hath sewak ke sir dharati ho tum !!

Teri pooja main to na koi vidhi hai,
Tu jagdambein daati tu Sarvsidhi hai !!

Raviwar (Sunday) ko tera sumrin kare jo,
Teri murti ko hi man main dhare jo !!

Tu sab kaaj uske karati ho poore,
Kabhi kaam us ke rahe na adhure !!

Tumhaari daya aor tumhaari yah maaya,
Rakhe jiske sir per maiya apni chaya !!

Sarv Sidhi Daati wo hai bhagayeshaali,
Jo hai tere dar ka hi Ambein sawali !!

Himachal hai parvat jahan vaas tera,
Maha Nanda mandir main hai vaas tera !!

Mujhe asra hai tumhara hi maata,
Vandna hai sawali, tu jiski daata !!